ஒரு வீடு - தி .ராஜேஷ்

 கவிஞர் அறிமுகம்: பெயர் தி .ராஜேஷ். முதுகலை புவியியல் மாணவன். பிறந்த ஊர் வளத்தூர் கிராமம், வேலூர் மாவட்டம், தற்பொழுதைய இருப்பிடம் திருச்சி.

ஒரு வீடு:

 
முன்னெப்பொழுதும் 

இல்லாத மவுனத்தை 

கொண்டிருக்கிறது 

ஒரு வீடு .

சுவர்களின் சுண்ணாம்பு 

விரிசல்கள் தனி தனி 

ஓவியமாகவே வீட்டின் 

வரலாறை சொல்கிறது .

பல நூற்றாண்டின் சுவாசம் 

படிமமாக உறைந்து 

போயிருக்கிறது .

யாதுமற்ற ஒரு வீடு 

வலியின் இருப்பை 

இன்றும் விட்டு 

வைக்கவில்லை.

காட்சிப்படுத்தும் நிகழ்வு 

ஒளியின் சேர்ப்பு மட்டுமே 

காலத்தை உணர செய்ய 

கூடுமானவரை ஊரில் ஒரு 

வீடு இது போல் அமைந்து 

விடுகிறது .

ஒவ்வொரு முறை ஊருக்கு 

செல்லும் பொழுது  

சிதிலமடைந்த ஒரு வீடு

வன்மத்தை மற்ற 

வீடுகளுக்கு 

தன் எல்லையை 

பரப்பி கொள்கிறது .

-  தி .ராஜேஷ் .