பறவையின் பாடல் - கார்த்திக் நேத்தா

பறவையின் பாடலாய்
வந்து கொண்டிருக்கிறது இறகு .
தான் வீழ்ந்து
நடுக்கடல் நிலவை அது
நொறுக்கி விளையாடுகிறது .
அசைவின்மையின் மூலம்
மீன்களை வரவழைத்து
மாயம் நிகழ்த்துகிறது .
அகாலத்தை நோக்கிய படகாய்

மிதந்து கொண்டிருக்கிறது .
எதனால்
கடற்சிறுமியின் அல்குலை
அது நினைவுபடுத்துகிறது ?
எல்லாப் பாடல்களைப் போல
பறவையின் பாடலும்
பறவைக்குச் சொந்தமில்லை